ഇന്ത്യയിലെ ആദ്യ ഇലക്‌ട്രിക് ഡബിള്‍ ഡക്കര്‍ ബസ് തലസ്ഥാനത്ത്; ട്രയല്‍ റണ്‍ നടത്തി ഗണേഷ് കുമാര്‍

 

തിരുവനന്തപുരം: ഇന്ത്യയിലെ ആദ്യത്തെ ഇലക്‌ട്രിക് ഡബിള്‍ ഡക്കർ ബസിന്‍റെ ട്രയല്‍ റണ്‍ ഗതാഗത വകുപ്പ് മന്ത്രി കെ ബി ഗണേഷ് കുമാർ നടത്തി.

കെ എസ് ആർ ടി സി ഔദ്യോഗിക ഫേസ്ബുക്കിലൂടെയാണ് വിവരം പങ്കുവച്ചത്. ഗണേഷ് കുമാർ ഓടിച്ച ബസില്‍ കെഎസ്‌ആർടിസിയിലെ ജീവനക്കാരും ഉദ്യോഗസ്ഥരുമായിരുന്നു യാത്രക്കാർ. ഈ മാസം അവസാനത്തോടെ ബസ് നിരത്തിലിറങ്ങും. തിരുവനന്തപുരത്തെ നഗര കാഴ്ചകള്‍ കാണാനാണ് ഈ ഇലക്‌ട്രിക് ഡബിള്‍ ഡക്കർ ബസ് ഉപയോഗിക്കുക. ബജറ്റ് ടൂറിസത്തിന് വേണ്ടി കെഎസ്‌ആർടിസി വാങ്ങിയ രണ്ട് ഓപ്പണ്‍ ബസുകളിലൊന്നാണ് തലസ്ഥാനത്തെത്തിയത്.l