.jpg)
സിപിഎം തിരുവനന്തപുരം ജില്ലാ കമ്മിറ്റിയില് മുഖ്യമന്ത്രി പിണറായി വിജയനെതിരെ കടുത്ത വിമർശനം. ജില്ലാ കമ്മിറ്റി അംഗം കരമന ഹരിയാണ് മുഖ്യമന്ത്രിക്കെതിരെ തുറന്നടിച്ചത്.
പാർട്ടിയുടെ ന്യൂനപക്ഷ സമീപനത്തെച്ചൊല്ലിയും ജില്ലാകമ്മിറ്റിയില് വാഗ്വാദം അരങ്ങേറി. ഇപ്പോഴുള്ള ന്യൂനപക്ഷ സമീപനം കമ്മ്യൂണിസ്റ്റ് ശൈലിയില് അല്ലെന്നായിരുന്നു വാദമുയർന്നത്. ഇതിനു ജില്ലാ സെക്രട്ടറി വി ജോയ് മറുപടി പറയുമ്ബോഴായിരുന്നു തർക്കമുണ്ടായത്. കമ്മ്യൂണിസ്റ്റ് ശൈലിക്ക് നിരക്കാത്തതെന്ന വിമർശനത്തെ പ്രീണനമെന്ന് തെറ്റിദ്ധരിച്ച് സെക്രട്ടറി മറുപടി പറഞ്ഞതിനെ അംഗങ്ങള് ചോദ്യം ചെയ്തു. മറുപടി തിരുത്തണമെന്ന് അംഗങ്ങള് ആവശ്യപ്പെട്ടു.
അംഗങ്ങള് ഉന്നയിച്ചത് എന്താണെന്ന് ഉറപ്പാക്കാൻ മിനുട്സ് പരിശോധിക്കണമെന്ന് ആവശ്യമുയർന്നു സംസ്ഥാന സെക്രട്ടേറിയേറ്റംഗം എം സ്വരാജ് ഇടപെടണമെന്നും അംഗങ്ങള് ആവശ്യപ്പെട്ടു .വിമർശനം ശരിയായല്ല മനസിലാക്കിയതെന്നും ജില്ലാ സെക്രട്ടറി തിരുത്തണമെന്നും സ്വരാജ് നിർദേശിച്ചു. തിരുത്തിയ മറുപടിക്കുശേഷമാണ് പ്രശ്നമവസാനിച്ചത്
നിയമസഭ സ്പീക്കർ എ എൻ ഷംസീറിനെയും തിരുവനന്തപുരം നഗരസഭ മേയർ ആദ്യ രാജേന്ദ്രനും കമ്മിറ്റിയില് വിമർശിക്കപ്പെട്ടു. മേയർ അഹങ്കാരിയാണെന്നും ആര്യയും കുടുംബവും കെ എസ് ആർ ടി സി ബസ് തടഞ്ഞത് ഗുണ്ടായിസമാണെന്നും അംഗങ്ങള് പറഞ്ഞു. ബസിലെ ക്യാമറയുടെ മെമ്മറി കാർഡ് ലഭിക്കാതിരുന്നത് നന്നായി. അല്ലായിരുന്നെങ്കില് സച്ചിൻ ദേവിന്റെ പ്രകോപനം ജനങ്ങള് കാണുമായിരുന്നു. ഈ പെരുമാറ്റം പൊതുജനങ്ങള്ക്കിടയില് അവമതിപ്പ് ഉണ്ടാക്കി. ഇരുവരും പക്വത കാണിച്ചില്ലെന്നും കമ്മിറ്റിയില് വിമർശനമുയർന്നു.
ഷംസീറിനെതിരെ അദ്ദേഹത്തിന്റെ ബിസിനസ് ബന്ധങ്ങളെ മുൻനിർത്തിയായിരുന്നു വിമർശനം. പാർട്ടി രീതിക്ക് യോജിച്ച ബിസിനസ് ബന്ധങ്ങളാണ് ഷംസീറിന്. അമിത് ഷായുടെ മകനെയും കാറില് കയറ്റി നടക്കുന്ന ആളുമായിട്ടാണ് ഷംസീറിന് ബന്ധം. പാർട്ടിയുമായി ഒരു ബന്ധവുമില്ലാത്ത അയാളെ പാർട്ടി പ്രവർത്തകർ സമീപിച്ചപ്പോള് ദേശാഭിമാനി പത്രം പോലും എടുക്കാൻ സന്നദ്ധനായില്ല. ഇത്തരമൊരു ആളുമായി ഷംസീറിന് എന്ത് ബന്ധമാണെന്നും ജില്ലാ കമ്മിറ്റിയില് ചോദ്യമുയർന്നു.
പൊതുമരാമത്ത് മന്ത്രി പി എ മുഹമ്മദ് റിയാസും കടകംപള്ളി സുരേന്ദ്രനും തമ്മിലുള്ള തർക്കവും യോഗത്തില് ചർച്ചയായി. മന്ത്രി ജില്ലയിലെ പാർട്ടിയുടെ നേതാവിനെയും ജനപ്രതിനിധിയെയും കരിനിഴലില് നിർത്തിയെന്ന് വിമർശനമുയർന്നു. വികസന പ്രവർത്തനങ്ങളില് ഉത്തരവാദിത്തപ്പെട്ടവർ വിമർശനമുന്നയിച്ചാല് അദ്ദേഹത്തെ കോണ്ട്രാക്ടറുടെ ബിനാമിയാക്കുന്നത് ശരിയാണോയെന്നായിരുന്നു ചോദ്യം.
%20(468%20x%2090%20px)%20(1).jpg)
