ചെറുശ്ശേരി ഉസ്താദ് സ്മാരക അവാർഡ്;ഹമീദ് ഫൈസി അമ്പലക്കടവിന് സയ്യിദ് ജിഫ്രി മുത്തുക്കോയ തങ്ങൾ സമ്മാനിക്കും

 

മസ്കത്ത് :മസ്കത്ത് റൈഞ്ച് ജംഇയ്യത്തുൽ മുഅല്ലിമീൻ വർഷത്തിലൊരിക്കൽ നൽകി വരുന്ന ചെറുശ്ശേരി സൈനുദ്ദീൻ മുസ്ലിയാർ സ്മാരക ഏഴാമത്അവാർഡിന്ന് ഹമീദ് ഫൈസി അമ്പലക്കടവ് അർഹനായി. സുന്നത്ത് ജമാഅത്തിൻ്റെ ആശയാദർശങ്ങൾ പ്രചരിപ്പിക്കുന്നതിലും സമസ്ത കേരള ജംഇയ്യത്ത് ഉലമയുടെ നിലപാടുകളിൽ ഉറച്ച് നിന്ന് പ്രവർത്തിക്കുന്നതിലും മികവ് തെളിയച്ചതിനാലാണ് പ്രതിഭാ പുരസ്കാരത്തിന്ന് ഹമീദ് ഫൈസി തെരഞ്ഞെടുക്കപ്പെട്ടത്. ഫെബ്രുവരി 4ന് കോഴിക്കോട് വെച്ച് നടക്കുന്ന SKSSF സമ്മേളനത്തിൽ വെച്ച് സയ്യിദ് ജിഫ്രി മുത്തുക്കോയ തങ്ങൾ ഹമീദ് ഫൈസി അമ്പലക്കടവിന് ചെറുശ്ശേരി ഉസ്താദ് സ്മാരക അവാർഡ് സമ്മാനിക്കും. 50001 രൂപയും ഫലകവും പ്രശസ്തിപത്രവുമാണ് നൽകുക. SKSSF ൻ്റെ മുപ്പത്തി അഞ്ചാം വാർഷിക പൊതുസമ്മേളനം ആണ് കോഴിക്കോട് നടക്കുന്നത്. ഒമാനിൻ്റെ എല്ലാ ഭാഗങ്ങളിൽ നിന്നുമായി മുപ്പത്തി മൂന്ന് അംഗീകൃത മദ്രസകളുടെ കൂട്ടായ്മയാണ് മസ്കത്ത് റൈഞ്ച് ജംഇയ്യത്തുൽ മുഅല്ലിമീൻ 33 മദ്രസകളാണ് ഉള്ളത്. 1850 ൽ പരം കുട്ടികൾ ഇവിടങ്ങളിലായി പഠനം നടത്തുന്നുണ്ട്. 100 ഉസ്താദുമാർ സേവനം ഈ മദ്രസകളിൽ ലഭ്യമാണ്. സമസ്ത വിദ്ധ്യാഭ്യാസ ബോർഡിൻ്റെ അംഗീകാരവും കാത്ത് പ്രവർത്തിച്ചുകൊണ്ടിരിക്കുന്ന കൂടുതൽ മദ്രസകൾ ഇവിടെയുണ്ട്. പ്രസിഡൻ്റ് മുഹമ്മദലി ഫൈസി നടമ്മൽ പൊയിലിൻ്റെയും സിക്രട്ടറി UK ഇമ്പിച്ചി അലി മുസ്ലിയാരുടെയും ചെയർമാൻ യൂസുഫ് മുസ്ലിയാരുടെയുംട്രഷറർ ഷുകൂർ ഹാജി (ബോഷർ )എനിവരുടെയും നേതൃത്തത്തിലുള്ള കമ്മിറ്റിയാണ് മസ്കത്ത് റൈഞ്ച് കമ്മിറ്റി.