തൃപ്പൂണിത്തുറയില്‍ നിര്‍മ്മാണത്തിലിരിക്കുന്ന വീടിന്റെ പറമ്ബില്‍ നിന്ന് അസ്ഥികൂടം കണ്ടെത്തി

 

തൃപ്പൂണിത്തുറ: തൃപ്പൂണിത്തുറയില്‍ നിർമ്മാണത്തിലിരിക്കുന്ന വീടിന്റെ ആളൊഴിഞ്ഞ പറമ്ബില്‍ നിന്ന് അസ്ഥികൂടം കണ്ടെത്തി.

തൃപ്പൂണിത്തുറ കണ്ണൻകുളങ്ങരയിലാണ് സംഭവം. മനുഷ്യന്റെ തലയോട്ടിയും കൈപ്പത്തിയും അരക്കെട്ടിന്റെ ഭാഗവുമാണ് കണ്ടെത്തിയത്. പ്ലാസ്റ്റിക് കവറില്‍ പൊതിഞ്ഞ നിലയിലാണ് അസ്ഥികൂടം കണ്ടെത്തിയിരിക്കുന്നത്. തൃപ്പൂണിത്തുറ പോലീസ് സ്ഥലത്തെത്തി പരിശോധന ആരംഭിച്ചിട്ടുണ്ട്.

ശ്രീനിവാസകോവില്‍ റോഡില്‍ നിർമ്മാണം നടക്കുന്ന വീടിന്റെ പറമ്ബ് വൃത്തിയാക്കുന്നതിനിടെയാണ് അസ്ഥികൂടം കണ്ടെത്തിയത്. ഏകദേശം മൂന്ന് മാസമായി വീടിന്റെ നിർമ്മാണ പ്രവർത്തനങ്ങള്‍ നടക്കുന്നുണ്ട്. ഈ സ്ഥലത്തെ കാടുകള്‍ വെട്ടിത്തെളിക്കുമ്ബോഴാണ് പ്ലാസ്റ്റിക് കവറില്‍ പൊതിഞ്ഞനിലയില്‍ അസ്ഥികൂടം കണ്ടെത്തിയത്. പുറത്തുനിന്ന് കൊണ്ടുവന്ന് ഇവിടെ തള്ളിയതായിരിക്കാമെന്നാണ് പോലീസിന്റെ പ്രാഥമിക നിഗമനം.l